နှစ်ရှည်ခံ ကိုယ်ဝန်တားနည်းနှစ်ခုရဲ့ ကွာခြားချက် (၈)ချက်

နှစ်ရှည်ခံ ကိုယ်ဝန်တားနည်းနှစ်ခုရဲ့ ကွာခြားချက် (၈)ချက်

(Zawgyi)

၁။ ကုန်ကျစရိတ်

လက်မောင်းထဲထည့်တဲ့ပစ္စည်းကို အစိုးရဆေးရုံတချို့မှာ အခမဲ့ထည့်ပေးနေတာမျိုး ရှိပေမယ့် တခြားဆေးရုံ၊ ဆေးခန်းတွေမှာဆိုရင်တော့ သောင်းဂဏန်းကနေ သိန်းဂဏန်းထိ ကုန်ကျနိုင်ပါတယ်။ သားအိမ်ထဲထည့်တဲ့ပစ္စည်းကတော့ ဈေးပိုသက်သာတယ်။ သောင်းဂဏန်းလောက်ပဲ ကုန်ပါမယ်။

၂။ နှစ်အရေအတွက်

လက်မောင်းထဲထည့်တာက ၃ နှစ်ခံ၊ ၄ နှစ်ခံ၊ ၅ နှစ်ခံ စသဖြင့် ရှိပါတယ်။ ၃ နှစ်ခံကတော့ တစ်ချောင်းတည်း၊ ၄ နှစ်နဲ့ ၅ နှစ်ခံတွေကတော့ နှစ်ချောင်းကို အင်္ဂလိပ်အက္ခရာ V ပုံစံ ထည့်ရပါတယ်။ သားအိမ်ထဲထည့်တာကတော့ ၅နှစ်ခံ ရှိသလို၊ ၁၀ နှစ်ခံလည်း ရှိတယ်။ နှစ်များများ တားထားချင်တဲ့သူတွေဆို ၁၀ နှစ်ခံအထိ ရွေးလို့ရပါတယ်။

၃။ ကလေးမမွေးဖူးသေးရင်

လက်မောင်းထဲထည့်တာကတော့ ရှင်းပါတယ်၊ ကလေးမမွေးဖူးသေးလည်း ထည့်လို့ရတယ်။ သားအိမ်ထဲထည့်တာကတော့ ဆရာဝန်တွေက များသောအားဖြင့် မထည့်ပေးကြဘူး။ ပထမအကြောင်းရင်းက မတော်တဆ ထည့်နေရင်းနဲ့ ပိုးဝင်သွားရင် လုံးဝကလေးမရတော့တာမျိုး ဖြစ်မှာစိုးလို့၊ ဒါပေမယ့် ဒါက သေချာပိုးသတ်ထားတဲ့ ပစ္စည်းတွေသုံးမယ်ဆို ပြဿနာမရှိဘူး။ နောက်အကြောင်းရင်းတစ်ခုကတော့ ထည့်ရခက်လို့။ ဒီနောက်ပိုင်းမှာ ပေါ်လာတဲ့ အက္ခရာ T ပုံစံ၊ Y ပုံစံ ပစ္စည်းတွေက အရွယ်အစားသေးလာတာမို့ ကလေးမမွေးဖူးသေးပေမယ့်လည်း ထည့်လို့ရတယ်။ သက်သောင့်သက်သာ ရှိပါတယ်။ ဦးစားပေးရွေးချယ်ရမယ် မဟုတ်ပေမယ့် ကျန်တဲ့ ဟော်မုန်းပါတဲ့ သားဆက်ခြားနည်းတွေ သုံးဖို့ ဘယ်လိုမှမဖြစ်နိုင်ဘူးဆိုတဲ့အခါမှာတော့ သားအိမ်ထဲထည့်တာကိုလည်း ရွေးချယ်လို့ရတယ် ဆိုတာလေး သိစေချင်တာပါ။

၎။ ထည့်ဖို့မသင့်တော်တဲ့ အခြေအနေတွေ

လက်မောင်းထဲထည့်တာက ဟော်မုန်းပါတာမို့ ရင်သားကင်ဆာ၊ အသည်းရောဂါ၊ Deep vein thrombosis လို့ခေါ်တဲ့ သွေးပြန်ကြောမှာ သွေးခဲပိတ်တဲ့ရောဂါတွေမှာဆိုရင် မသုံးသင့်ပါဘူး။ သားအိမ်ထဲထည့်တဲ့ပစ္စည်းကတော့ သားအိမ်ထဲမှာထည့်မှာမို့ သားအိမ်အနေအထားမမှန်တာ၊ သားအိမ်နှစ်ခွ ဖြစ်နေတာ၊ သားအိမ်ရောင်ရမ်းနေတာ၊ ကာလသားရောဂါ ကူးစက်ခံထားရတာ၊ ကူးစက်ခံရနိုင်ချေများတာ စတဲ့ အခြေအနေတွေမှာဆို သုံးလို့မသင့်တော်ပါဘူး။

၅။ ဓမ္မတာပေါ်ခြင်း

လက်မောင်းထဲထည့်တဲ့ပစ္စည်းက ၃ လခံထိုးဆေးနဲ့ အထဲမှာပါတဲ့ဟော်မုန်းချင်း တူပါတယ်။ ဒီဟော်မုန်းရဲ့ အာနိသင်က မမျိုးဥကို မကြွေအောင် ပိတ်ပေးတဲ့အပြင် သားအိမ်နံရံက အလွှာတွေကိုလည်း ထူမလာအောင် လုပ်ပေးတယ်။

တကယ်တော့ ရာသီလာတယ်ဆိုတာက မိန်းကလေးတစ်ယောက်ဟာ အပျိုဖြစ်ပြီဆိုရင် တစ်လကိုတစ်ခါ မမျိုးဥကြွေတယ်။ အဲဒီလို ကြွေတာနဲ့တစ်ပြိုင်တည်းမှာ သားအိမ်နံရံကလည်း ထူထဲလာတယ်၊ ဘာလို့ဆိုတော့ မမျိုးဥနဲ့ သုက်ပိုးနဲ့ပေါင်းပြီး သန္ဓေများအောင်သွားခဲ့ရင် သားအိမ်မှာ သန္ဓေတည်နိုင်အောင်လို့။ တကယ်လုိ့မျိုး သုက်ပိုးနဲ့ မမျိုးဥနဲ့ မပေါင်းလိုက်ရဘူးဆိုရင် အဲဒီမမျိုးသက သေသွားတယ်။ သန္ဓေလည်း အောင်တော့မှာ မဟုတ်တဲ့အတွက် ခုနက ထူထဲထားတဲ့ သားအိမ်နံရံကလည်း ကွာကျလာတယ်။ အဲဒီလို သေသွားတဲ့မမျိုးဥနဲ့ သားအိမ်နံရံက အလွှာတွေကွာကျလာတာကို ရာသီလာတယ်လို့ ခေါ်တယ်။

အခု သူက မမျိုးဥကို မကြွေအောင်လုပ်ပေးတဲ့အပြင် သားအိမ်နံရံကို ထူမလာအောင်လည်း လုပ်ပေးလိုက်တော့ အောက်ကို ဘာမှကွာကျလာစရာ မရှိတော့ဘူး။ ဒီတော့ ရာသီသွေးလည်း မဆင်းတော့ဘူးပေါ့။ ဆိုလိုတာက သွေးမပေါ်တာဟာ အထဲမှာ အပုပ်တွေအောင်း၊ အလုံးတွေတည်၊ ကင်ဆာဖြစ်မှာမဟုတ်ဘူး၊ သွေးအနေနဲ့ ဆင်းလာစရာမရှိလို့သာ ဖြစ်တယ် ဆိုတာလေး သိစေချင်ပါတယ်။ ဒါကြောင့် သွေးမပေါ်တာ စိတ်ပူစရာ မလိုဘူး။ စိတ်အေးလက်အေး နေလို့ရတယ်။ ဒါပေမယ့် ကျွန်မက သွေးပေါ်မှကြိုက်တာ ဆိုရင်တော့ ဒီနည်းလမ်းကို ရွေးချယ်ဖို့ အဆင်ပြေနိုင်ပါ့မလားဆိုတာလေး သေချာစဉ်းစားစေချင်ပါတယ်။

သားအိမ်ထဲထည့်တဲ့ပစ္စည်းကတော့ မမျိုးဥကို ဘာအနှောင့်အယှက်မှ မပေးဘူး။ သုက်ပိုးတွေကိုပဲ ဖျက်ဆီးတယ်။ ဒါကြောင့်မို့ ဒီပစ္စည်းထည့်မယ်ဆိုတစ်လကိုတစ်ခါ ပုံမှန်ရာသီပေါ်လိမ့်မယ်။ ခုနကပြောသလို ရာသီပေါ်မှ နေလို့ထိုင်လို့ကောင်းတာ ဆိုတဲ့ အမျိုးသမီးတွေဆိုရင်တော့ ဒီနည်းလမ်းကို ရွေးချယ်ရင် အဆင်ပြေနိုင်ပါတယ်။

၆။ ဘေးထွက်ဆိုးကျိုး

သားဆက်ခြားနည်းအားလုံးမှာ အသုံးပြုစမှာ ရာသီသွေးကမောက်ကမဖြစ်တာတွေ ရှိနိုိင်ပါတယ်။ လုံးဝမပေါ်တာ၊ နှစ်ပတ်တစ်ခါလောက် လာတာ စသဖြင့် ပုံမမှန်ဖြစ်နိုင်ပြီး နောက်ပိုင်းမှာတော့ အသားကျသွားပါလိမ့်မယ်။

လက်မောင်းထဲထည့်တဲ့ပစ္စည်းကတော့ ဟော်မုန်းပါတာမို့ ဟော်မုန်းရဲ့ဘေးထွက်ဆိုးကျိုးတွေ ခံစားရနိုင်ပါတယ်။ ခေါင်းမူးတာ၊ ခေါင်းကိုက်တာ၊ ရင်သားတွေတင်းပြီးနာတာ၊ ကိုယ်အလေးချိန် အပြောင်းအလဲဖြစ်တာ စသဖြင့် ရှိပါတယ်။ တချို့လည်း ရာသီမပေါ်တာကြာတော့ အသားမဲလာတယ် ဆိုတာမျိုးတွေလည်း ကြုံရပါတယ်။

သားအိမ်ထဲထည့်မယ်ဆိုရင်တော့ ဒီပစ္စည်းက ဟော်မုန်းမပါတာမို့ ဟော်မုန်းရဲ့ဘေးထွက်ဆိုးကျိုးတွေ မခံစားရနိုင်ဘူး။ ထည့်ပြီးစမှာ ဗိုက်နည်းနည်းအောင့်တာမျိုး ရှိမယ်။ နောက်ပိုင်း ရာသီလာတဲ့အခါမှာ အရင်ကထက် ရက်ပိုရှည်သွားတာ၊ ပမာဏပိုများလာတာ၊ နည်းနည်းပိုပြီး အောင့်တတ်တာဆိုတာမျိုးတွေတော့ ဖြစ်နိုင်ပါတယ်။

ဘေးထွက်ဆိုးကျိုးတွေနဲ့ ပတ်သက်လို့ ပြောချင်တာကတော့ တစ်ယောက်နဲ့တစ်ယောက် တုံ့ပြန်မှုချင်း မတူနိုင်ကြဘူး ဆိုတာပါပဲ။ လက်မောင်းထဲထည့်လို့ တစ်ယောက်က အဆင်ပြေပေမယ့် နောက်တစ်ယောက်က ပြေချင်မှပြေမယ်။ ဒီလိုပဲ သားအိမ်ထဲထည့်လို့ တစ်ယောက်က သွေးတွေတအားဆင်းပြီး အဆင်မပြေဖြစ်နေပေမယ့် နောက်တစ်ယောက်က ပြေချင်ပြေနေမယ်။ ဒါကြောင့်မို့ သူများလုပ်လို့ ကိုယ်လိုက်လုပ်မယ်ဆိုတာထက် ကိုယ့်နဲ့သင့်တော်တဲ့နည်းကိုသာ ရွေးစေချင်ပါတယ်။

နောက်တစ်ခုက ဒီဘေးထွက်ဆိုးကျိုးတွေက ဖြစ်ကိုဖြစ်ရမယ်လည်း မဟုတ်ပါဘူး။ ထိန်းလို့ရပါတယ်။ ဥပမာ လက်မောင်းထဲပစ္စည်းထည့်လို့ ၀ကိုဝရမယ်လို့ ဘယ်သူကမှ မပြောပါဘူး။ မ၀ချင်ရင် ထိန်းလို့ရတယ်၊ လေ့ကျင့်ခန်းလုပ်မယ်၊ အစားလျှော့မယ်ဆိုတာတွေ လုပ်နိုင်ပါတယ်။ ပစ္စည်းကြောင့် ၀တာထက် အသက်အရွယ်၊ ခန္ဓာကိုယ်ပြောင်းလဲမှုတွေနဲ့ အစားအသောက်ပုံစံကြောင့် အဓိက ၀ရတာပါ။ ဒီလိုပဲ၊ သွေးတွေဆင်းလာတယ်ဆိုလည်း ဆေးခန်းပြန်ပြပြီး လိုအပ်တဲ့ဆေး သောက်လိုက်ရင် အဆင်ပြေသွားနိုင်ပါတယ်။ ဒါကြောင့်မို့ အလွန်အကျွံ မစိုးရိမ်ကြဖို့ ပြောချင်ပါတယ်။

၇။ အရေးပေါ်ကိုယ်ဝန်တားနည်း

လက်မောင်းထဲထည့်တဲ့ပစ္စည်းက လိင်မဆက်ဆံခင် ကြိုတင်ပြီး အသုံးပြုထားရတာမျိုးဖြစ်ပြီး သားအိမ်ထဲထည့်တဲ့ပစ္စည်းမှာတော့ ထူးခြားချက်တစ်ခု ရှိပါတယ်။ အဲဒါက အရေးပေါ်ကိုယ်ဝန်တားနည်းအနေနဲ့လည်း အသုံးပြုလို့ရတယ် ဆိုတာပါပဲ။ အကာအကွယ်မဲ့ ဆက်ဆံမိပြီး နာရီ ၁၂၀ အတွင်းမှာ ထည့်မယ်ဆိုရင် အရေးပေါ် ကိုယ်ဝန်တားပေးတယ်။ ထည့်ပေးမယ့်သူဆီ လာနေရဦးမှာမို့ အရေးပေါ် ကိုယ်ဝန်တားဆေးတွေလောက်တော့ သုံးရအဆင်မပြေပေမယ့် အဲဒီဆေးတွေထက် ပိုထိရောက်တယ်။ နောက်ပိုင်းမှာလည်း ပုံမှန်ကိုယ်ဝန်တားတဲ့အနေနဲ့ ဆက်ထည့်ထားလိုက်လို့ရပါတယ်။

၈။ ထည့်ပြီးသွားတဲ့အခါ

လက်မောင်းထဲ ပစ္စည်းထည့်ပြီးသွားတဲ့အခါ ၃ ရက်လောက်တော့ ပတ်တီးစည်းထားဖို့ လိုပါတယ်။ အနာကပ်ခွာကိုတော့ ၅ ရက်ကပ်ထားရမယ်။ အဲဒီ ၅ ရက်အတွင်း ရေမစိုရဘူး။ ၅ ရက်ပြည့်သွားလို့ ကပ်ခွာ ခွာလိုက်တဲ့အခါ အနာမကျက်သေးတာ၊ ပြည်တည်နေတာတွေဖြစ်ရင်တော့ ပြန်ပြရမယ်။ ဒါကလည်း ရေသာမထိမိဘူးဆိုရင် မဖြစ်နိုင်သလောက်ပဲ။ နောက်ပိုင်းမှာတော့ အေးအေးဆေးဆေး နေရုံပဲ၊ အလေးအပင် မမရဘူးဆိုတာမျိုးလည်း မရှိဘူး။

သားအိမ်ထဲပစ္စည်းထည့်တာကတော့ တစ်လကိုတစ်ခါ ရာသီပေါ်ပြီးတိုင်းမှာ စမ်းကြည့်ရမယ်။ ဒါမှ ကိုယ့်သားအိမ်ထဲ ပစ္စည်းရှိမရှိ သိနိုင်မှာ။ အထူးသဖြင့် ထည့်စ လတွေမှာတော့ သတိလေးထားပြီး စမ်းကြည့်ဖို့လိုပါမယ်။ အရင်ကတော့ သားအိမ်ထဲထည့်ပြီး အမျိုးသားနဲ့ ၇ ရက် မဆက်ဆံဘဲ ရှောင်ရမယ်ဆိုတာမျိုး မှာတတ်ကြပါတယ်။ နောက်ပိုင်းမှာတော့ မလိုအပ်ဘူးဆိုပြီး မပြောတော့ပါဘူး။ များသောအားဖြင့် ထည့်ပေးတဲ့ ဆရာဝန်တွေက ထည့်ပြီး တစ်လပြည့်တဲ့အချိန်မှာ တစ်ခေါက်ပြန်လာပြဖို့တော့ ချိန်းတတ်ကြပါတယ်။ အဲဒီအတိုင်း ပြန်ပြပြီး စနစ်တကျ စစ်ဆေးမှုခံယူနိုင်မယ်ဆို အကောင်းဆုံးပါပဲ။

အဓိကအကျဆုံးကတော့ အမျိုးသမီးတွေရဲ့ စိတ်ခံစားချက်ပါပဲ။ လက်မောင်းထဲထည့်တာက စမ်းလို့လည်း လွယ်လွယ်ကူကူရတယ်၊ မြင်လည်းမြင်နေရတယ်၊ ဘယ်သူကမှလည်း နင်တော့ လက်မောင်းကင်ဆာ ဖြစ်မယ်ဆိုတာမျိုး လာမပြောဘူး။ သားအိမ်ထဲကျတော့ မတူဘူး။ မြင်လည်းမြင်မနေရဘူး၊ စမ်းဖို့ကလည်း ခက်တယ်။ ဒီကြားထဲမှာ သားအိမ်ကင်ဆာဖြစ်မယ်တို့၊ အနာဖြစ်မယ်တို့ ဆိုတဲ့ကောလဟာလတွေကလည်း ကြားရသေးတယ်။ ဒီတော့ အမျိုးသမီးတွေအနေနဲ့ ပစ္စည်းထည့်ပြီးသွားလို့ အစာအိမ်အောင့်လည်း ဒါကြောင့်၊ ခေါင်းကိုက်လည်း ဒါကြောင့်၊ ၀လာလည်း ဒါကြောင့် ဆိုပြီး အစိုးရိမ်လွန်တတ်ကြတယ်။ တကယ်တော့ ဒီပစ္စည်းက သားအိမ်ထဲမှာပဲ အလုပ်လုပ်တယ်၊ သားအိမ်နဲ့ မွေးလမ်းကြောင်းမဟုတ်တဲ့ တခြားနေရာမှာ ရောဂါရှိနေလို့ သူ့ကိုသုံးလို့မရဘူး ဆိုတာမျိုး မရှိသလို၊ သူ့ကိုထည့်လိုက်လို့ တခြားတစ်နေရာမှာ ရောဂါသွားဖြစ်တယ်ဆိုတာမျိုးလည်း မရှိဘူး။ ဒါပေမယ့်လည်း ပစ္စည်းထည့်ထားတဲ့ အမျိုးသမီးတွေက အကြောက်လွန်နေကြတဲ့အခါမှာ ခန္ဓာကိုယ်မှာ ဘာဖြစ်ဖြစ် ဒီပစ္စည်းကြောင့်လို့ပဲ ထင်တယ်၊ ပြန်ထုတ်မယ်လုပ်တယ်၊ ဒီတော့ ကိုယ်နဲ့ အဆင်မပြေတဲ့ ဟော်မုန်းပါတဲ့ကိုယ်ဝန်တားနည်းတွေ ပြန်သုံးရတယ်။ ဒါကြောင့်မို့ မလိုအပ်တာတွေကို စိုးရိမ်မနေဘဲ ကိုယ်နဲ့သင့်တော်တဲ့ ကိုယ်ဝန်တားနည်းကို ရွေးချယ်နိုင်ဖို့ သိပ်အရေးကြီးပါတယ်။

ပြောခဲ့ပြီးသမျှ အနှစ်ပြန်ချုပ်ရရင်တော့ နည်းလမ်းနှစ်ခုလုံးမှာ အားသာချက်၊ အားနည်းချက်ကိုယ်စီ ရှိကြပါတယ်။ ဘယ်နည်းလမ်းက ပိုကောင်းတယ်ရယ်လို့ မဟုတ်ဘဲ ကိုယ်နဲ့သင့်တော်မယ့်နည်းလမ်းကို ကျွမ်းကျင်တဲ့ဆရာဝန်၊ ဆရာမနဲ့ အသေးစိတ်ဆွေးနွေးမေးမြန်းတိုင်ပင်ပြီး ရွေးချယ်နိုင်ကြဖို့ပဲ လိုပါတယ်။

ဒေါက်တာ ဖြိုးသီဟ

(၂၃.၁၀.၂၀၁၇ ထုတ် Good Health ဂျာနယ်ပါ ဆောင်းပါး)