HIV/AIDS အကြောင်း ပြောပါမယ်ဆိုရင် လူတော်တော်များများက သိပ်မထူးဆန်းတော့သလို ခံစားရတတ်ပါတယ်။ ဟိုးလွန်ခဲ့တဲ့နှစ်တွေကတော့ ဒီရောဂါဟာ တအားဟော့ခဲ့တယ်။ ခုချိန်မှာ သားအိမ်ခေါင်းကင်ဆာအကြောင်း သိချင်နေကြသလိုပေါ့။ ခုနောက်ပိုင်းမှာတော့ HIV ဆိုတာ လိင်ကတစ်ဆင့် ကူးစက်တယ်၊ ခုခံအားကို ကျစေတယ်၊ AIDS ဆိုတာကတော့ HIV ပိုးဝင်ပြီး ခုခံအားကျလာတဲ့ အခြေအနေကို ခေါ်တယ် ဆိုတာလောက်တော့ တော်တော်များများ သိလာကြပါပြီ။
ဒါပေမယ့် အဲဒီလိုသိတော့ ကူးစက်ခံရမှုတွေ မရှိတော့ဘူးလား၊ ကမ္ဘာမှာ ရောဂါပိုးကူးစက်ခံရသူ အသစ်တွေ ထပ်မပေါ်လာတော့ဘူးလား။
မဟုတ်ပါဘူး။ ကူးစက်ခံနေရဆဲ၊ ရှိနေဆဲဖြစ်ပါတယ်။ UNAIDS ရဲ့ အချက်အလက်များအရ နှစ်စဉ်နှစ်တိုင်း ကမ္ဘာပေါ်မှာ လူနှစ်သန်းလောက်ဟာ HIV ပိုး အသစ်ကူးစက်ခံရနေရတယ်လို့ သိရပါတယ်။
ဘာကြောင့်ပါလဲ။ လူငယ်တွေကို မျိုးဆက်ပွါးကျန်းမာရေးအသိပညာတွေ ပေးမထားခြင်း၊ ပြည့်တန်ဆာတွေရဲ့ အနေအထား စတဲ့အကြောင်းရင်းခံတွေ အများကြီးပဲ ရှိပါတယ်။ ဒီပို့စ်မှာတော့ လူငယ်တွေ၊ အိမ်ထောင်သည်တွေ သိသင့်တဲ့အချက်တချို့ကို ဦးစားပေးဆွေးနွေးပါမယ်။
လေ့လာချက်တွေအရ HIV ပိုး အသစ်ကူးစက်ခံရသူ အိမ်ထောင်သည်အမျိုးသမီးတွေထဲမှာ တော်တော်များများက ကိုယ့်ယောကျာ်းဆီကနေ ကူးစက်ခံရတာ ဖြစ်ပါတယ်။ အဲဒီယောကျာ်းတွေကရော ဘယ်ကနေ ရပါသလဲ။ အပျော်အပါး လိုက်စားခြင်းကနေ အများဆုံးရပါတယ်။ ပြည့်တန်ဆာနဲ့ အကာအကွယ်မဲ့ လိင်ဆက်ဆံတယ်၊ နောက်ပြီး ခုနောက်ပိုင်းမှာဆို အမျိုးသားအချင်းချင်း လိင်ဆက်ဆံတာတွေပါ ရှိလာတယ်။
အမျိုးသားအချင်းချင်း လိင်ဆက်ဆံသူနဲ့ Gay (မိန်းမလျာ)နဲ့ကို မရောထွေးစေလိုပါဘူး။ အမျိုးသားအချင်းချင်း လိင်ဆက်ဆံသူတိုင်းကို Man who have sex with man (MSM) လို့ ခေါ်ပါတယ်။ အဲဒါက မိန်းမလျာလည်း ဖြစ်နိုင်တယ်၊ သူနဲ့ဆက်ဆံဖက်ဟာလည်း MSM ပါပဲ။ မြင်သာအောင် ဥပမာပေးရရင် ရုပ်ရှင်မင်းသားနဲ့ မိတ်ကပ်ဖန်တီးရှင်နဲ့ ဇာတ်လမ်းဖြစ်ကြတယ်ဆိုပါစို့။ နှစ်ယောက်လုံးသည် MSM ဖြစ်တယ်။ ဆိုလိုတာက မိန်းမလိုဝတ်စားထားမှ မဟုတ်ဘူး။ ယောကျာ်းရင့်မာကြီးလည်း ဖြစ်နိုင်တယ်၊ မှုန်နေအောင်ချောတဲ့ မင်းသားကလည်း MSM ဖြစ်နိုင်တယ်။ ဒါကြောင့် ငါ့ယောကျာ်းက ကျားကျားလျားလျားကြီး၊ ဒါမျိုးမဟုတ်ဘူးလို့ သတ်မှတ်လို့မရဘူး။ ဒါသည် အပြင်ပန်းသဏ္ဍန်နဲ့ မဆိုင်ဘူး။ သူ့ရဲ့ လိင်စိတ်တိမ်းညွှတ်မှု (Sexual orientation) နဲ့ပဲ ဆိုင်တယ်။ အဲဒါကို သဘောပေါက်မထားဘဲ အမှုမဲ့အမှတ်မဲ့နေလိုက်လို့ မရဘူး။
ဟိုတစ်လောက မိန်းမလျာတစ်ယောက်ရဲ့ ဖြစ်ရပ်မှန်ဇာတ်လမ်းတစ်ပုဒ် ဖတ်လိုက်ရတယ်။ ခု သူက AIDS ဖြစ်နေပြီ။ သူ့ဇာတ်လမ်းက ရင်နင့်စရာလည်း ကောင်းသလို၊ သူပြောတာ ဖတ်ရင်း ပိုရင်နင့်သွားရတာလည်း ရှိတယ်။ ဘာလဲဆိုတော့ နောက်ဆုံးပေါင်းသင်းခဲ့တဲ့ ယောကျာ်းက သူရောဂါဖြစ်မှန်းလည်းသိရော၊ သူ့ကိုစွန့်ပစ်သွားပါသတဲ့၊ ခုတော့ ရပ်ကွက်တစ်ခုမှာ အမျိုးသမီးတစ်ယောက်နဲ့ ပေါင်းသင်းနေတယ်လို့ သတင်းကြားတယ်တဲ့။ သူတောင် ဒီရောဂါဖြစ်နေမှတော့ အဲဒီယောကျာ်းမှာလည်း ကူးစက်ခံနေရမှာ အသေအချာပါပဲ။ ရောဂါလက္ခဏာမပြသေးတာပဲ ရှိမယ်။ အဲဒါကို နောက်မိန်းမယူလိုက်တော့ ဒီမိန်းမဆီလည်း ကူးလောက်ပြီ။ ထပ်ပြီး အဲဒီမိန်းမမှာများ ကိုယ်ဝန်ရလာခဲ့ရင်၊ ကျွန်တော် ဆက်မတွေးနိုင်တော့ဘူး။ ဒီလိုနဲ့ မြာပွေတဲ့သူတွေမှ ဖြစ်တယ်လို့ သိခဲ့ကြတဲ့ ဒီရောဂါဟာ ဘုမသိဘမသိ အမျိုးသမီးတွေ၊ ခုမှလူ့လောကထဲ ရောက်လာတဲ့ ကလေးငယ်တွေမှာပါ တွေ့လာရတော့တာပဲ။
တစ်ခါကလည်း တက္ကသိုလ်ကျောင်းသားတစ်ယောက် ဆေးခန်းလာပြပါတယ်။ လိင်အင်္ဂါမှာ အနာဖြစ်လို့ပါ။ ကာလသားရောဂါပေါ့။ မေးကြည့်တော့ နေရာတစ်ခုကို သွားထားတယ် တဲ့။ ရည်းစားရောရှိလား ဆိုတော့ ရှိတယ်၊ သူနဲ့ရော ဆိုတော့ သူနဲ့လည်း နေဖြစ်တယ် တဲ့။ အဲဒါနဲ့ပဲ အဲဒီကောင်မလေးကိုပါ ဆေးကုဖို့လိုမယ့်အကြောင်း ဆွေးနွေးပေးခဲ့ရတယ်။ အဲဒီကောင်လေးနဲ့ ကောင်မလေးဆို အိမ်ထောင်တောင်မကျသေးဘူး။ ရောဂါပိုးနဲ့က လက်တစ်ကမ်းဖြစ်နေပြီ။
ဒါကို ကျွန်တော်တို့ ဘယ်လိုတားဆီးမလဲ။ (၃)ချက် ဆွေးနွေးလိုပါတယ်။
၁။ တစ်ခါတည်း ပေမယ့်လည်း …
တစ်ခါတည်းပါ ဆိုတဲ့ စိတ်ကို ပြင်ရမယ်။ ဒီပိုးဟာ ကိုယ်ခန္ဓာထဲဝင်ပြီး နှစ်ကာလအတော်ကြာမှ လက္ခဏာစပြတာမို့လို့ မျက်စိနဲ့ကြည့်ရုံနဲ့ ပိုးမရှိဘူးလို့ ပြောမရနိုင်ဘူး။ သွေးစစ်ကြည့်မှပဲ သိနိုင်တာ။ အသားဖြူဖြူ၊ ချောချောလှလှလေးတွေမှာလည်း ရှိနေနိုင်တာပဲ။ နောက်ပြီး တစ်ကြိမ်တစ်ခါလောက် ဆက်ဆံမိရုံနဲ့လည်း ကူးသွားနိုင်ပါတယ်။ ဒါကြောင့် တစ်ခါတည်းပါဆိုပြီး ပေါ့လို့မရပါဘူး။
လူငယ်တွေကလည်း တစ်ကြိမ်တစ်ခါ လက်တည့်စမ်းနိုင်တာပဲ၊ အိမ်ထောင်သည်တွေကိုလည်း အမြဲသစ္စာရှိနေမယ် တွက်ထားလို့ မရပါဘူး။ ဒါကြောင့် သတိထားစေလိုတာက ဘယ်သူနဲ့ပဲဆက်ဆံဆက်ဆံ၊ ဘယ်လိုအခြေအနေမျိုးမှာဖြစ်ဖြစ် ကွန်ဒုံးအမြဲသုံးဖို့ လိုမယ်ဆိုတာပါပဲ။ မိန်းကလေးတွေအနေနဲ့လည်း ကွန်ဒုံးပါမလာဘူးဆို လက်မခံပါနဲ့။ အကယ်၍ ကိုယ့်မှာ အဆင်သင့်ပါမလာဘူးဆိုရင်တော့ စိတ်တွေအရမ်းပြင်းထန်နေချိန်မှာ ထိုးသွင်းဆက်ဆံခြင်းမဟုတ်တဲ့ နည်းတွေသုံးလို့ရပါတယ်။ ဥပမာ တစ်ယောက်ကိုတစ်ယောက် လက်နဲ့အာသာဖြေပေးတာမျိုးပေါ့။ ကွန်ဒုံးသုံးရင် ခံစားမှုကို လျော့စေတယ်ဆိုတဲ့ အကြောင်းပြချက်နဲ့ မသုံးဘဲနေလိုက်ရင် ကိုယ့်တစ်ဘ၀လုံးကို ဒုက္ခဖြစ်သွားနိုင်ပါတယ်။
၂။ လက်မထပ်ခင် သွေးစစ်ပါ
တစ်ကြိမ်တစ်ခါနဲ့ ကူးစက်နိုင်တဲ့ ရောဂါမို့ မမျှော်လင့်ဘဲ ကိုယ့်ချစ်သူဆီမှာ ဒီပိုးက ရှိနေနိုင်ပါတယ်။ ဒီအတွက် လက်မထပ်ခင် သွေးစစ်ဆေးကြည့်ပါ။ ဒါဟာ တစ်ယောက်ကိုတစ်ယောက် မယုံကြည်လို့မဟုတ်ဘဲ ကျန်းမာရေးအတွက် လုပ်သင့်လုပ်ထိုက်တဲ့အလုပ်တစ်ခု အဖြစ် မြင်ပေးပါ။ သစ္စာရှိပါတယ်ဆိုပေမယ့်လည်း တစ်ကြိမ်တစ်ခါလောက် မှားသွားတယ်ဆိုတာမျိုးက ရှိနိုင်တာမို့ ဒါဟာ ယုံကြည်ခြင်း၊ မယုံကြည်ခြင်းနဲ့ မသက်ဆိုင်ဘဲ ကိုယ့်မိသားစုနောင်ရေး၊ ကိုယ့်ဆီရောက်လာမယ့် သားသမီးတွေနောင်ရေးအတွက် အရေးကြီးတဲ့ကိစ္စ တစ်ခုဖြစ်ပါတယ်။
၃။ အိမ်ထောင်သည်အချင်းချင်း ပွင့်လင်းပါ။
သာယာပျော်ရွှင်တဲ့ အိမ်ထောင်တစ်ခုမှာ အချစ်အပြင် လိင်ကိစ္စဆိုတာကလည်း ပါဝင်လာပါတယ်။ လိင်စိတ်ဆိုတာက တော်တော်ကို ဆန်းကြယ်တဲ့အရာပါ။ လိင်တူလိင်ကွဲရှိမယ်၊ ပုံမှန်ရှိတဲ့သူ၊ ပြင်းထန်တဲ့သူရှိမယ်၊ ဘယ်လိုပုံစံနဲ့ဆက်ဆံရတာကို သဘောကျတယ်ဆိုတာမျိုးတွေ ကွဲမယ်။ အများအားဖြင့် ကျွန်တော်တို့ဆီက စုံတွဲအများစုဟာ ဒီအကြောင်းကို ပွင့်ပွင့်လင်းလင်း တိုင်ပင်လေ့မရှိကြပါဘူး။ အမျိုးသမီးတွေကလည်း အစဉ်အလာထိန်းကွပ်မှုတွေအောက်မှာ အနေကြာခဲ့တော့ ဒါက ရှက်စရာလို့မြင်တယ်၊ ဒီအကြောင်းကို ပွင့်ပွင့်လင်းလင်း ပြောရင် မကောင်းတဲ့မိန်းမလို့ ထင်သွားမလား စိုးရိမ်ကြတယ်။ ယောကျာ်းကပဲ ဒီကိစ္စတွေမှာ ဦးဆောင်သလို ဖြစ်နေတယ်။ ဒီအခါမှာ အိမ်ထောင်ရေးအဆင်မပြေမှုတွေ၊ ဆန္ဒမပြည့်ဝမှုတွေ ဖြစ်လာရတယ်။ ဒီအခါ တစ်လင်တစ်မယားစနစ် ကျင့်သုံးဖို့ရာ မလွယ်တော့ဘူး။
၎။ တာဝန်ယူတတ်ပါစေ
ကိုယ်က မတော်တဆ မှားယွင်းခဲ့တယ်ဆိုလည်း ဒါဟာ အန္တရာယ်ရှိတဲ့၊ ရောဂါပိုးကူးစက်ခံရနိုင်တဲ့ အပြုအမူမျိုးဆိုတာ သိရမယ်။ သွေးစစ်ဖို့ဆိုတာကလည်း ပိုးဝင်ပြီးအနည်းဆုံး(၃)လနေမှ စစ်လို့ပေါ်တာ။ ဒီမတိုင်ခင်က စစ်လည်း Negative ပဲ။ ဒါကြောင့် သွေးစစ်လို့မရသေးမချင်း ကိုယ့်ဆီမှာများ ကူးစက်နေခဲ့ရင် ဆိုတဲ့ အသိနဲ့ ကိုယ့်ဆီကနေ တခြားလူဆီ မရောက်ဖို့ တာဝန်ယူရလိမ့်မယ်။ ဆိုလိုတာက ခုနက ကောင်လေးလို ကိုယ်တစ်နေရာသွားထားမိတာ သိသိကြီးနဲ့ ချစ်သူကောင်မလေးနဲ့လည်း အတူနေနေတာမျိုး မလုပ်သင့်ဘူး။ ကိုယ့်အရင်ယောကျာ်းက HIV ပိုးကူးစက်ခံခဲ့ရတယ်။ ကိုယ့်ဆီမှာလည်း ရှိနေနိုင်တယ်။ အဲဒါကိုကြောက်လို့ သွေးမစစ်ဘူး၊ နောက်ယောကျာ်း ထပ်ယူတယ်။ နောက်တော့မှ သိသွားတော့ လင်မယားလည်းကွဲ၊ ပြဿနာတွေလည်းတက်၊ နောက်ယောကျာ်းမှာလည်း နေရင်းထိုင်ရင်း ရောဂါကူးစက်ခံခဲ့ရတယ်။ ဒါကြောင့် ကိုယ့်မှာကူးစက်ခံရနိုင်ချေ ရှိတယ်ဆိုရင် လိင်ဆက်ဆံခြင်းကို ရှောင်တာမျိုး၊ သွေးမလှူတာမျိုး လုပ်ပေးဖို့ လိုပါတယ်။
HIV ပိုးကာကွယ်ဖို့ဆိုရင် ဆွေးနွေးစရာတွေ အများကြီးရှိပါတယ်။ ဒီ(၄)ချက်ကတော့ အိမ်ထောင်သည်တွေ၊ လူငယ်တွေအတွက် သိထားသင့်တဲ့အချက်တွေမို့ ရေးလိုက်ရတာပါ။
အဓိကကတော့
လိင်တူလိင်ကွဲ၊ ကိုယ့်ချစ်သူနဲ့ပဲဖြစ်ပါစေ၊ ဆက်ဆံတဲ့အခါတိုင်း ကွန်ဒုံးအမြဲသုံးပါ။
လက်မထပ်ခင် သွေးစစ်ပါ။ အိမ်ထောင်ရေးမှာ လိင်မှုကိစ္စနဲ့ပတ်သက်ပြီး ပွင့်ပွင့်လင်းလင်း ဆွေးနွေးပါ။
မတော်တဆ ဖြစ်လာခဲ့ရင်လည်း တာဝန်ယူတတ်တဲ့အသိလေး ထားပေးပါ။
ဒေါက်တာ ဖြိုးသီဟ
၂၅.၁.၂၀၁၇
