ဒီတစ်ခါ သမီးတို့ကို အစ်ကိုက မြန်မာပြည်အလယ်ပိုင်းက ရွာလေးတစ်ရွာမှာ ဖြစ်ခဲ့ဖူးတဲ့ ကျောင်းသူလေးနှစ်ယောက်ရဲ့ ချစ်ဇာတ်လမ်းလေးတစ်ပုဒ်ကို ပြောပြချင်ပါတယ်။ အဲဒီရွာလေးရဲ့ တစ်ဖက်တစ်ချက်မှာ လမ်းတစ်ခုစီရှိတယ်။ အဲဒီလမ်းအတိုင်းသွားလိုက်မယ်ဆိုရင်တော့ လမ်းရဲ့အဆုံးမှာ အဆောင်တစ်ဆောင်စီ ရှိကြပါတယ်။ အဲဒီအဆောင်ထဲမှာတော့ မိန်းကလေးတွေအများကြီးကို စောင့်ရှောက်ထားပါတယ်။ အဲဒီမှာ ကျောင်းသူလေးကို အုပ်ချုပ်ဖို့အတွက် အဆောင်မှူးအန်တီကြီးတွေလည်း ရှိကြတာပေါ့။ သူတို့က ကျောင်းသူလေးတွေကို အဆောင်မှာပဲ နေစေတယ်။ အပြင်ကို လုံးဝပေးမထွက်ဘူး။ ထွက်သွားတဲ့ ကျောင်းသူလေးတွေကိုလည်း ဘယ်တော့မှ အဆောင်မှာ ပြန်လက်မခံဘူးလို့ အမိန့်ထုတ်ထားသတဲ့။ တအားကို စည်းကမ်းတင်းကျပ်တဲ့ အဆောင်လေးပေါ့။
ဒါပေမယ့် ကျောင်းသူလေးတွေဟာ အဆောင်ထဲမှာပဲ အမြဲတမ်းမနေနိုင်ကြဘူး။ နှစ်ဆောင်ပေါင်းက ကျောင်းသူလေးတွေ သူတို့အချင်းချင်းတိုင်ပင်ပြီး တစ်လကို တစ်ယောက်တော့ အပြင်ထွက်လို့ရအောင် ကြိုးစားကြတယ်။
ပထမဦးဆုံး အဲဒီလို ထွက်ခွင့်ရတဲ့ ကျောင်းသူလေးဟာ အဆောင်ရှေ့က လမ်းထဲမှာ သူ့ချစ်သူ လာအခေါ်ကို စောင့်ဆိုင်းနေတယ်။ အဲဒီလိုစောင့်ဆိုင်းနေချိန်မှာ သူတို့ ချစ်သူနှစ်ယောက်များ ပေါင်းစည်းခွင့်ရခဲ့ရင် အဆင်သင့်နေနိုင်အောင်လို့ ရွာလူထုကလည်း နေစရာအဆင်သင့် ပြင်ထားပေးကြတယ်။ သူတို့အချစ်ကို ပါရမီဖြည့်ပေးတာပေါ့။ ဒါပေမယ့်လည်း ကံဆိုးချင်တော့ သူ့ချစ်သူက အချိန်မီ သူ့ဆီ ရောက်မလာနိုင်ခဲ့ဘူးတဲ့။ အဲဒါနဲ့ပဲ ကောင်မလေးလည်း အဲဒီနေရာမှာတင် ရင်ကွဲနာကျပြီး သေပွဲဝင်ရပါတော့တယ်။ ဒီလိုမျိုး ကျောင်းသူလေးရဲ့ ရင်နာစရာအဖြစ်ကို မြင်တွေ့ကြရတဲ့ ရွာသူရွာသားတွေမှာတော့ ဖြေမဆည်နိုင် ဖြစ်ပြီး မျက်ရည်တွေ ဖြိုင်ဖြိုင်ကျမိတာပေါ့။
နောက်ကျောင်းသူလေးတစ်ယောက်ကတော့ သူအဆောင်ကနေ ထွက်ပြေးလာတဲ့အချိန်မှာ တိုက်တိုက်ဆိုင်ဆိုင် သူ့ချစ်သူကောင်လေးနဲ့ဆုံပြီး ပေါင်းဖက်သွားကြသတဲ့။ အဲဒီနောက်မှာတော့ ရွာလူထုက အသင့်ပြင်ပေးထားတဲ့ နေရာလေးမှာ သေတစ်ပန်သက်တစ်ဆုံး ပေါင်းသင်းနေထိုင်သွားကြပါတယ်။
ကဲ ဟုတ်ပြီ၊ အဲဒီဇာတ်လမ်းလေးကို မှတ်မိပြီဆိုရင် ဒီဇာတ်လမ်းလေးနဲ့ ဆင်တူတဲ့ သမီးတို့မိန်းကလေးတွေရဲ့ ခန္ဓာကိုယ်ဖြစ်စဉ်အကြောင်းလေး ပြောပြမယ်နော်။
မိန်းကလေးတစ်ယောက်မှာ သားအိမ်ပါတယ်။ သားအိမ်ရဲ့ ဟိုဘက်ဒီဘက်မှာ သားဥအိမ်တစ်ခုစီ ပါတယ်။ သားအိမ်နဲ့ သားဥအိမ်တို့ကိုတော့ သားဥပြွန်လေးတွေနဲ့ ဆက်ထားပါတယ်။ အဲဒီသားဥအိမ်ထဲမှာ မမျိုးဥလေးတွေ သန်းပေါင်းများစွာ ရှိပါတယ်။ အပျိုဖော်မ၀င်မချင်း အဲဒီမမျိုးဥလေးတွေဟာ သားဥအိမ်ထဲမှာပဲ ရှိနေကြပါတယ်။
သမီးတို့အရွယ်ရောက်လို့ အပျိုစဖြစ်ပြီဆိုတာနဲ့ အဲဒီသန်းပေါင်းများစွာသော မျိုးဥတွေထဲက တစ်လကို တစ်လုံး သားဥအိမ်ထဲကနေ ထွက်လာပါတယ်။ အဲဒါကို မမျိုးဥကြွေတယ် လို့ခေါ်တယ်။
အဲဒီလိုကြွေလာတဲ့ မမျိုးဥလေးဟာ ခုနကပြောခဲ့တဲ့ဇာတ်လမ်းထဲက အဆောင်သူလေးတွေလိုပဲ နှစ်မျိုးဖြစ်နိုင်တယ်။ သုက်ပိုးနဲ့ မပေါင်းမိဘဲ သေသွားတာရယ်၊ သုက်ပိုးနဲ့ပေါင်းမိတာရယ်။
သာမန်ဖြစ်စဉ်အရတော့ မမျိုးဥကြွေပြီးသွားရင် သားဥပြွန်ထဲကို ရောက်သွားတယ်၊ အမျိုးသားဆီက သုက်ပိုးနဲ့ ပေါင်းမိသွားရင်တော့ သန္ဓေအောင်သွားလိမ့်မယ်။ အဲဒီလို သန္ဓေအောင်သွားခဲ့ရင် အဆင်သင့်သန္ဓေတည်နိုင်အောင်ဆိုပြီး သားအိမ်နံရံတွေက ထူထားပေးရပါတယ်။
တကယ်လို့များ မမျိုးဥကြွေချိန်မှာ သုက်ပိုးက ၀င်မလာဘူး၊ ဘာလို့ဆိုတော့ အိမ်ထောင်မှမရှိတာကိုး၊ ဒါမှမဟုတ် အိမ်ထောင်သည်တွေမှာဆို မမျိုးဥကြွေချိန်နဲ့ သုက်ပိုးဝင်လာတဲ့အချိန်နဲ့ မတိုက်ဆိုင်ဘူးဆိုရင်တော့ အဲဒီမမျိုးဥလေးက သေသွားပါတယ်။ အဲဒီလို သန္ဓေမအောင်နိုင်တော့တဲ့အတွက် အောင်ခဲ့ရင် အဆင်သင့်ဖြစ်နေအောင် ဆိုပြီး ထူပေးထားတဲ့ သားအိမ်နံရံတွေကလည်း မလိုအပ်တော့ပါဘူး။ ဒါကြောင့် ကွာကျလာတယ်။ အဲဒီလို သေသွားတဲ့ မမျိုးဥလေးရယ်၊ သားအိမ်နံရံအလွှာတွေ ကွာကျလာတာရယ် ပေါင်းပြီး ခန္ဓာကိုယ်အပြင်ကို ဆင်းလာတာကို ရာသီလာတယ်၊ ဓမ္မတာလာတယ် လို့ ခေါ်ကြပါတယ်။
တကယ်လို့များ မမျိုးဥကြွေတဲ့အချိန်နဲ့ သုက်ပိုးဝင်လာတဲ့အချိန်နဲ့ တိုက်သွားလို့ ပေါင်းစပ်မိသွားရင်တော့ သန္ဓေအောင်သွားပြီး၊ အဲဒီသန္ဓေသားလောင်းလေးက သားအိမ်နံရံမှာ သွားပြီး သန္ဓေတည်မှာဖြစ်ပါတယ်။ ဒါဆိုရင်တော့ ကိုယ်ဝန်ရသွားပြီလို့ သတ်မှတ်ပါတယ်။ မမျိုးဥလေးလည်း မသေတော့သလို၊ သားအိမ်နံရံတွေကလည်း ကွာကျတော့မှာ မဟုတ်တဲ့အတွက် ရာသီလည်းပေါ်တော့မှာ မဟုတ်ပါဘူး။ ဒါကြောင့်မို့ မိန်းကလေးတစ်ယောက် ရာသီထိန်သွားရင် ကိုယ်ဝန်ရနိုင်တယ်လို့ အရပ်ထဲမှာ ပြောနေကြတာ ဖြစ်ပါတယ်။
သမီးတို့ မှတ်မိအောင် ပြန်ပြောရရင် အပျိုရယ်လို့ ဖြစ်လာပြီဆိုတာနဲ့ ခန္ဓာကိုယ်ထဲမှာ မမျိုးဥကြွေမယ်၊ အဲဒီကြွေလာတဲ့ မမျိုးဥက သုက်ပိုးနဲ့ပေါင်းမိရင် ကိုယ်ဝန်ရမယ်။ မပေါင်းမိရင်တော့ သေသွားမယ်၊ ပြီးရင် မလိုအပ်တော့လို့ ကွာကျလာတဲ့ သားအိမ်နံရံအလွှာတွေနဲ့ ရောပြီး ခန္ဓာကိုယ်ပြင်ပကို ဆင်းလာမယ်။ ဒါကို ရာသီလာတယ်လုိ့ ခေါ်ပါတယ်။ ရာသီလာတဲ့ရက်က (၂၈)ရက်တစ်ခါ ဆိုပေမယ့် ၂၁ရက်နဲ့ ၃၅ရက်ကြားဆိုရင် ပုံမှန်လို့ပဲ ယူဆပါတယ်။ အပျိုဖော်ဝင်ရာကနေ သွေးပေါ်လာတာ တစ်နှစ်တိတိ သွေးလုံးဝမပေါ်တော့ဘူးဆိုရင်တော့ သွေးဆုံးသွားပြီလို့ သတ်မှတ်ပါတယ်။ အဲဒီအရွယ်ကတော့ ပျမ်းမျှအနေနဲ့ ၄၉နှစ်အရွယ်မှာ ဖြစ်လေ့ရှိပါတယ်။
ဒီတော့ သမီးတို့ဟာ ရာသီပေါ်နေပြီ၊ အပျိုဖြစ်နေပြီဆိုရင် သဘောပေါက်ထားရမှာက ကိုယ့်ခန္ဓာကိုယ်ထဲမှာ မမျိုးဥက ကြွေနေပြီ။ သူကြွေနေပြီမို့လို့သာ အပြင်ကို ရာသီသွေးတွေ ဆင်းလာတာလေ။ အဲဒီလိုကြွေနေပြီဖြစ်တဲ့အတွက် မတော်တဆများ လိင်ဆက်ဆံမှုရှိခဲ့ရင်၊ ကိုယ့်ရည်းစားနဲ့ဖြစ်ဖြစ်၊ မတော်မတရား ပြုကျင့်ခံရတာပဲဖြစ်ဖြစ် ကိုယ်ဝန်ရသွားနိုင်တယ် ဆိုတာပါပဲ။
နောက်တစ်ခုကတော့ သမီးတို့စဉ်းစားကြည့်၊ ရာသီလာတယ်ဆိုတာ ရှက်စရာကောင်းသလား၊ ဘုန်းနိမ့်လို့ ဖြစ်တာရော ဟုတ်သလား။ မျိုးဆက်ပွါးဖို့အတွက် မမျိုးဥကြွေပေးတယ်၊ သုက်ပိုးနဲ့မပေါင်းလိုက်ရရင် သေသွားတယ်၊ အဲဒီနောက် ရာသီလာတယ်။ ဒီဖြစ်စဉ်သာမရှိရင် မျိုးဆက်ဆိုတာ ပြန့်ပွါးနိုင်ဦးမလား၊ လူသားရယ်လို့ ဖြစ်လာပါဦးမလား။ ဒါကြောင့် ရာသီလာတယ်၊ ဓမ္မတာပေါ်တယ်ဆိုတာ လူသားမျိုးဆက် တည်တံ့ဖို့အတွက် အရေးကြီးတဲ့ အမျိုးသမီးတွေရဲ့ သဘာဝဖြစ်စဉ်တစ်ရပ်သာ ဖြစ်တယ်ဆိုတာလေး သမီးတို့ကို သိစေချင်ပါတယ်။
ရေးသားသူ – ဒေါက်တာ ဖြိုးသီဟ
၁၀.၃.၂၀၁၇
၁၀.၃.၂၀၁၇
No comments:
Post a Comment