“စွဲလမ်းခြင်းပြဿနာများ”

“စွဲလမ်းခြင်းပြဿနာများ”

“စွဲလမ်းခြင်းပြဿနာများ”

ညေးတို့ရေ

တကယ်တော့ လိင်ကိစ္စဆိုတာ ရှက်စရာကောင်းတဲ့ကိစ္စ မဟုတ်ပါဘူး။ လူသားတိုင်းမှာ ရှိတဲ့ သာမန်အဖြစ်အပျက်တစ်ခုသာ ဖြစ်ပါတယ်။ အဲဒီအပြင် ကျန်းမာရေးကို အထောက်အကူပြုတဲ့ အကျိုးကျေးဇူးတွေတောင်မှ ရှိပါသေးတယ်။ ဒါပေမယ့်လည်း ဒီကိစ္စလေးကပဲ လူတချို့အတွက်တော့ သာမန် ဟုတ်မနေဘဲ ပြဿနာပေးတာမျိုး ရှိတတ်ပါတယ်။ အကာအကွယ်မဲ့ လိင်ဆက်ဆံမိလို့ ရောဂါကူးကုန်တာ၊ ကိုယ်ဝန်ရသွားတာတွေအပြင် ဒီဆောင်းပါးလေးကနေ ပြောချင်တဲ့ ပြဿနာတစ်ခု ရှိပါတယ်။ အဲဒါကတော့ လိင်ဆက်ဆံခြင်းကို စွဲလမ်းနေတဲ့ ပြဿနာပါပဲ။

တစ်ခါကလည်း ညီလေးတစ်ယောက် လာမေးဖူးပါတယ်။ သူက တစ်နေ့ကို ၃ကြိမ်လောက် အာသာဖြေမိနေတယ်၊ Masturbation လုပ်မိနေတယ်၊ တခြားလည်း ဘာမှအာရုံမစိုက်နိုင်တော့ဘူး ဆိုပြီး အစ်ကို့ဆီမှာ အကြံဉာဏ်လာတောင်းတယ်။ လိင်ကိစ္စဆိုတာကို ရှက်စရာလို့ မြင်နေကြတဲ့ ဒီအသိုင်းအ၀ိုင်းမှာ ဒီလိုပြဿနာမျိုးကို ထုတ်ပြောဖို့ဆိုတာ အင်မတန်ခက်ပါတယ်။ မျိုသိပ်ထားကြရတယ်။ ဒါတွေကို ဘယ်လိုထွက်ပေါက်ပေးရမယ် မသိဘူး။ ဒီအခါ မလိုလားအပ်တဲ့ ပြဿနာတွေ ဖြစ်လာကြတယ်။

၁။ လိင်ဆက်ဆံခြင်းကို စွဲလမ်းနေပြီလို့ ဘယ်အခါမှာ ပြောနိုင်မလဲ

ဒီအတွက် တိကျတဲ့ အဓိပ္ပါယ်ဖွင့်ဆိုချက်တော့ မရှိပါဘူး။ တစ်ယောက်နဲ့တစ်ယောက်လည်း မတူကြလို့ပါ။ ဥပမာ လိင်ဆက်ဆံဖက် များနေရင် စွဲလမ်းနေတာလား၊ Threesome လို့ခေါ်တဲ့ ယောကျာ်းတစ်ယောက်နဲ့ မိန်းမနှစ်ယောက်၊ ဒါမှမဟုတ်လည်း မိန်းမတစ်ယောက်က ယောကျာ်းနှစ်ယောက်နဲ့ တစ်ပြိုင်တည်းဆက်ဆံရင် စွဲလမ်းနေပြီ ခေါ်မှာလား။ ဒီလိုမျိုး တစ်ယောက်အတွက် ထူးဆန်းတယ်လို့ထင်ရတဲ့ ဆက်ဆံပုံက နောက်တစ်ယောက်အတွက်ကျ သာမန်ဖြစ်နေနိုင်ပါတယ်။ လိင်ဆက်ဆံလိုစိတ် (Sex drive) ပြင်းတာနဲ့ စွဲလမ်းတာနဲ့ မတူပါဘူး။ စိတ်ပြင်းပြတာက မကြာခဏ ဆက်ဆံချင်တာ၊ အာသာဖြေချင်တာ၊ ပုံစံမျိုးစုံနဲ့ ဆက်ဆံချင်တာ စတာတွေကို ပြောတာပါ။ စွဲလမ်းတယ်ဆိုတာကတော့ နေ့စဉ်လုပ်ငန်းဆောင်တာတွေ မလုပ်နိုင်တော့တဲ့အထိ၊ လူကြားသူကြားမရှောင် ဆက်ဆံနေမိတဲ့အထိ၊ ကိုယ့်ကို အန္တရာယ်ဖြစ်နိုင်တာ သိသိကြီးနဲ့ လုပ်နေမိတဲ့အထိ ဖြစ်နေတာမျိုးကို ဆိုလိုတာဖြစ်ပါတယ်။ မကောင်းမှန်းသိသိကြီးနဲ့ ရုန်းမထွက်နိုင်ဘဲ ဆက်လုပ်နေမိတာပေါ့။

ဥပမာ ခု အစ်ကို့ဆီလှမ်းတိုင်ပင်တဲ့ ညီလေးလို၊ နောက် ရုပ်ရှင်ကားတွေထဲမှာ ကြည့်ဖူးမယ်၊ မင်းသားနဲ့ မင်းသမီးက အများပြည်သူသုံး အိမ်သာထဲထိတောင် ခိုးသွားပြီး ဆက်ဆံကြသလို၊ နောက် ဘယ်သူဘယ်ဝါမှန်းမသိ ရောဂါပိုးတွေရှိမရှိတောင် မသိဘဲ ဆက်ဆံရရင်ပြီးရော လုပ်မိနေတာလို၊  ဒီလိုအခြေအနေမျိုးတွေဆိုရင်တော့ ကိုယ်ဟာ လိင်ဆက်ဆံတာကို စွဲလမ်းနေပြီလို့ သတ်မှတ်နိုင်မှာဖြစ်ပါတယ်။

တခြားဘယ်လိုလက္ခဏာတွေ ရှိတတ်သေးလဲဆိုတော့

အရေးကြီးတဲ့အလုပ်တွေကိုတောင် ဖျက်ပြီး လိင်ဆက်ဆံတာ၊ လိင်စိတ်ဖြေတာ၊
စိတ်ဓါတ်ကျ၊ စိတ်ပူပန်တာ၊ စိတ်ဖိစီးတာ စတဲ့ အခြေအနေတွေဖြစ်တိုင်း လိင်စိတ်ဖြေပြီး၊ လိင်ဆက်ဆံပြီး ဖြေဖျောက်တာ
လိင်စိတ်ဖြေတာ၊ လိင်ဆက်ဆံတာက ကိုယ့်ရဲ့ ကျန်းမာရေးနဲ့ နေ့စဉ်လူနေမှုဘ၀ကို ထိခိုက်စေလောက်တဲ့အထိ အကြိမ်များများလုပ်တာ စတဲ့ အပြုအမူတွေကို ခဏတစ်ဖြုတ် မဟုတ်ဘဲ လနဲ့ချီ လုပ်မိနေတာမျိုးလည်း ရှိတတ်ပါတယ်။
အစပိုင်းမှာတော့ နည်းနည်းပဲ၊ အချိန်ကြာလာတာနဲ့အမျှ ပိုပိုပြီး ဆိုးလာမယ်၊ အဆင့်တွေ တက်တက်လာမယ်ဆိုရင်လည်း ကိုယ့်မှာ ဒီပြဿနာ ရှိနေပြီလို့ သဘောပေါက်နိုင်ပါတယ်။

၂။ ဖြစ်ရတဲ့ အကြောင်းရင်း

ဒါကိုလည်း တိတိကျကျ ပြောလို့မရပြန်ပါဘူး။ တော်တော်လေး ဆက်စပ်နိုင်ချေတာကတော့ ကလေးဘ၀က ကြုံခဲ့ရတဲ့ စိတ်ပိုင်းဆိုင်ရာ ပြဿနာတွေကြောင့်ပါပဲ။ ငယ်ငယ်က လူကြီးမိဘတွေရဲ့ လျစ်လျူရှုခြင်းကို ခံခဲ့ရတာ၊ အလေးပေး ဂရုစိုက်မခံရတာ၊ ရုပ်ပိုင်းဆိုင်ရာ အနိုင်ကျင့်ခံရတာ၊ အမြဲတမ်း မိသားစုကြောင့်၊ သူငယ်ချင်းကြောင့် စိတ်ညစ်နေရတာ၊ ဒီလိုစိတ်ဒဏ်ရာတွေ ရှိခဲ့မယ်ဆိုရင်၊ နောက်ပြီး ငယ်ငယ်ရွယ်ရွယ်နဲ့ လိင်အတွေ့အကြုံရခဲ့တာမျိုး (ဥပမာ လူကြီးတစ်ယောက်ယောက်က လက်နဲ့ လုပ်ပေးသွားတာကို သာယာမိတာ) ရှိခဲ့ရင် ဒီလိုမျိုး စွဲလမ်းတဲ့ပြဿနာ ၀င်လာတတ်ပါတယ်။ လူကြီးဖြစ်မှမဟုတ်ဘဲ ကလေးအရွယ်၊ ဆယ်ကျော်သက်အရွယ်မှာကတည်းကိုက လက္ခဏာတွေ ပြနေတတ်ပါတယ်။

၃။ ဘယ်လိုပြဿနာတွေ ပေးသလဲ

လိင်ဆက်ဆံတာကိုပဲ စွဲလမ်းနေတဲ့အခါ ဘာတွေဖြစ်လာနိုင်သလဲဆိုရင် နေ့စဉ်ကိုယ်လုပ်ရမယ့် အလုပ်တွေမှာ ပျက်ကွက်လာမယ်။ အိမ်ထောင်ဖက်အပေါ် သစ္စာဖောက်မိလို့ လူမှုရေးပြဿနာတွေ ကြုံရမယ်။ HIV လို လိင်ကတစ်ဆင့် ကူးစက်တဲ့ရောဂါပိုးတွေ ကူးကုန်မယ်။ စိတ်မှာလည်း အမြဲတမ်း တုန်လှုပ်ခြောက်ခြားနေတာ၊ စိတ်ဖိစီးနေတာ၊ စိတ်ဓါတ်ကျနေတာတွေ ဖြစ်မယ်။ ပြည့်တန်ဆာတွေနဲ့ ပျော်ပါးရာကနေ ငွေကြေးဆုံးရှုံးတာတွေလည်း ရှိလာမယ်။

အဲဒီလို စွဲလမ်းနေတဲ့သူမှာမှ ပုံမှန်မဟုတ်တဲ့ လိင်ဆန္ဒတွေ ရှိနေမယ်ဆိုရင်တော့ ပိုလို့ပြဿနာတွေ ရှိလာနိုင်ပါတယ်။ သူများလိင်ဆက်ဆံနေတာကို ကြည့်ပြီး ကိုယ်က ဆန္ဒပြည့်မြောက်တာ (ဘယ်လောက်ထိ ဆိုးသွားနိုင်လဲဆို ကိုယ့်မိန်းမ ကိုယ့်ရည်းစားကို နောက်တစ်ယောက်နဲ့ ဆက်ဆံခိုင်းပစ်တာမျိုးထိ ဖြစ်နိုင်တယ်)၊ သူတစ်ပါးလိင်အင်္ဂါကို ထိတွေ့ကိုင်တွယ်ချင်တာ (ကားပေါ်မှာ၊ ရထားပေါ်မှာ၊ လေယာဉ်ပေါ်မှာ ကိုယ်နဲ့မသိတဲ့ မိန်းကလေးကို ဒါမျိုးသွားလုပ်တော့ ပြဿနာပေးမှာပေါ့)၊ ကလေးတွေနဲ့မှ လိင်ဆက်ဆံချင်တာ (ဒါဆိုရင်တော့ ခုမကြာခဏကြားနေရတဲ့ သက်ငယ်မုဒိမ်းမှုတွေ ဖြစ်လာနိုင်ပြီပေါ့)၊ ဒီလိုပုံမမှန်တဲ့ ဆန္ဒရှိသူတွေမှာသာ ဒီလိုစွဲလမ်းစိတ် ဖြစ်လာမယ်ဆို နောက်ဆက်တွဲပြဿနာ သိပ်များသွားပါပြီ။

၎။ ဘယ်လိုကုသလို့ ရသလဲ

များသောအားဖြင့် စိတ်ပိုင်းဆိုင်ရာ ပြဿနာတွေ၊ စိတ်ဖိစီးတာ၊ စိတ်ဓါတ်ကျတာ၊ အထီးကျန်တာ စတာတွေကြောင့် ဖြစ်တတ်တာမို့ စိတ်မှာ အနာတရမရှိအောင် နေဖို့လိုပါတယ်။ ကိုယ့်မှာ ဒါတွေနည်းနည်းစဖြစ်လာပြီ ဆိုကတည်းက သတိထားဆင်ခြင်နိုင်မယ်ဆိုရင်တော့ အကောင်းဆုံးပါပဲ။ စိတ်ဖိစီးမှုတွေ ဖြေဖျောက်ပါ။ မိသားစုနဲ့၊ သူငယ်ချင်းနဲ့ နွေးနွေးထွေးထွေး ရင်းရင်းနှီးနှီးနေပါ။ ဒါက ကိုယ့်ကို စိတ်အပြောင်းအလဲ ဖြစ်စေပါလိမ့်မယ်။ ဒီအကြောင်းတွေ မတွေးမိအောင် ကြိုးစားလုပ်ယူပါ၊ ဥပမာ အိမ်မှာ တစ်ယောက်တည်း ကျန်မနေခဲ့တာမျိုး၊ ညဘက် အပြင်မထွက်တာမျိုး စသဖြင့်ပေါ့။ ကိုယ့်ကို ဒီစိတ်တွေဖြစ်လာစေတဲ့ အခြေအနေတွေကိုလည်း သတိထားပြီး ရှောင်ပါ။ အပြာကားတွေ ကြည့်မိရင် ဖြစ်လာတယ်ဆို မကြည့်မိအောင် သတိထား၊ ဖုန်းထဲက ဇာတ်ကားတွေဖျက်၊ ဖေ့စ်ဘွတ်သုံးရင် အဖော်အချွတ်ပုံတွေမြင်ရင် ဖြစ်လာတယ်ဆို လတ်တလော မသုံးဘဲနေ စတာတွေ လုပ်ပါ။ ဒီလိုမျိုးတွေ လုပ်လို့မှ အဆင်မပြေသေးရင်တော့ တတ်ကျွမ်းနားလည်တဲ့ စိတ်ရောဂါပညာရှင်တစ်ယောက်ယောက်နဲ့ သွားရောက်တိုင်ပင်တာ အကောင်းဆုံးပါပဲ။

ဒေါက်တာ ဖြိုးသီဟ

၁၆.၂.၂၀၁၈

Ref : https://www.projectknow.com/research/sex-addiction/

https://www.psychologytoday.com/conditions/hypersexuality-sex-addiction